Long put 2382 舜宇光學

黎緊15/6 美國將會宣布加徵中國產品關稅，Trump講明會針對高科技產品，手機設備都算係高危項目。以Trump連歐盟加拿大墨西哥等盟友都徵鋁材關稅，對中國應該絕不手軟，加上美國訪中團隊吹淡風話談判唔順利，依靠apple大客的手機設備真係有危機。

另外2382呢排都跑贏恆指，呢幾日掂頂似無力再上，唔計除淨都跑輸大市，可以試put睇佢跌番落$130左右。

好書推介 Option strategies for earning announcements

呢本書講述每次派業績時期權的操作，多數用派業績前後兩日作holding period, 再用10年嘅數據黎做統計資料，唔會有個人意見。所以其實幾悶，不過個finding 對於trade option係非常有價值。

本書有個假設係關於個bid ask spread,因為買賣差價會對return有好大影響，所以佢個finding會以75%bid ask方法黎present(即係如果bid ask 係$10/$11，你會以10.75買入option以10.25賣出option)呢個assumption 會比較貼近現實情況。

Directional trade

1. (bullish)

short put 比long call平均更有優勢，因implied volatility通常會在業績後會大跌和時間值損耗都是favour short side，long call 即使在正股升2%以內回報平均都係負數，相反short put 即使正股跌2%以內平均都有正數回報，當然short put會有更大風險。（最差的數據大概輸premium 的7倍）long call 當然也有大賺（9倍回報）數據以At the money option計算。受極端數字影響所以short put 和long call都有著差不多的平均回報，但median 數值short put比long call 有更佳回報。所以控制好注碼和風險，short put 贏面其實更高。

(bearish)

short call都係比long put更有優勢，原因都是和上面所說一樣。但值得一提係bearish strategy比bullish平均回報差少少。

Non directional trade

Long volatility trade

Long straddle , strangle都係負回報多，long straddle 策略比strangle回報會好少少，straddle 平均回報-3% median -9.11% 1st quartile 係-19.02% 3rd quartile 正回報 4.56% 數據顯示到除非你買中大幅波動嘅正股，否則long volatility 比directional更難有profit

Short volatility trade

short strangle 比 short straddle好，short side平均return 都係比long side好。

另外一個比較有趣嘅方法就係等業績後先trade， 盈喜後short put或long call, 盈警後short call或long put, 結果都係short side完勝，而且等業績後先入場嘅return係最profitable。通常正股會在有盈喜後會outperform市場一段時間，所以跟住市場momentum 順勢short side最好。

如何揀贏面大option

Implied Volatility 

IV 高通常predict 正股大波幅，但係如果做long volatility trade都係揀低IV嘅option 黎做贏面較高，相反亦然。IV 高就short volatility ，因為IV多數會高估左正股幅度。

市值

大市值股票做short volatility , 小市值股票做long volatility ，原因係因為大市值公司多數有較多分析員預測同大機構投資者，業績唔會有太大落差。

估值（PE ,PB ration)

低估值做short volaility, 高估值做 long volaility,因為高估值如果miss estimates 會做成好大波動，

行業

tech sector最高IV , utility 最低IV，但係long volaility 都係揀tech sector 贏面最高，short volatility 都係揀utility sector

過往業績

業績大波幅做long volatility 贏面較高

結論

1. Long straddles 揀small cap/低iv

2. Short straddle 揀large cap/高iv

long straddle 揀高估值，volatile historical earning 業績回報， tech sector 更佳

好書推介 understanding options

想睇一本期權入門書籍，我會介紹大家睇呢一本。簡單寫明左期權嘅功用，1.income(可增加額外收入 ）2. speculation （投機客點樣以小博大） 3 hedging (基金點樣對沖風險）4  insurance (揸正股以option做保險）以好簡單嘅語言黎解釋晒想做以上操作應該點買。advance 策略 同option greeks 著墨唔多，不過都尚算有簡單介紹。同埋比其他書少左一大堆艱深數字，唔會有睇到一頭霧嘅感覺。最後書中嘅sincere advice都寫得好好，期權老手都啱睇。

17/4 期權實倉

星期五long put 騰訊，見今日IV尾市突然爆左咁多都係平倉先，兩日升左80%，而家倉位得番short call 2600

16/4 期權實倉 + short call 新手教學

上星期五long put 700 ,今日暫時都略有收穫, 睇埋下晝市況,始終$400係心理關口, 如果跌穿左相信可以let profits run

另外2600 今日開始弱勢, 之前幾日俄鋁受制裁中鋁股價都受惠唔少,差唔多升左20%,到今日俄鋁再跌2成中鋁股價都無得再上, 升勢似乎有限,小注short naked call 試試水溫

新手教學

short call 中鋁（2600）4月$4.8即係代表我無論中鋁股價去到幾錢，我都要以$4.8接貨，而我就收到$0.11嘅期權金，breakeven point 就係$4.91 （$4.8+$0.11）

1. 簡單黎講今個月結時2600收喺$4.8以下我就會收晒$0.11，但係如果中鋁升到$6 我對家long call都可以用$4.8向我購入中鋁，咁我就要蝕$6-$4.8-$0.11=$1.09

2. 由於理論上股價升無限制，所以short put可以話係無限輸，用番2600嘅例子，如果2600係呢幾日升到$100咁我都要俾人以$4.8去買貨，當然呢個機會好細，但係開頭玩期權一定要有呢個概念

3. 咁如果唔想無限輸可以點做？最簡單方法就係購入正股，用番上面例子，買番5手中國鋁業正股，咁就會變成short covered call, 即係變相以$4.91 set 左止賺位

13/4 期權實倉

long put 700 騰訊 @400

做呢個倉有幾個原因

1. 騰訊引申波幅縮左，小注值博率較高

2. 騰訊400蚊以上call都幾重倉，月尾結算在410以下殺得最多call option倉位

3. 呢幾日騰訊沽空比例高左些少

4. 港匯弱方開始掂到7.85，資金走股市最快見到效果

12/4 期權平倉

貼番上次4/4 short put左匯豐，匯豐喺呢幾日72蚊邊上番75，隻put由1.24跌番落0.6左右，一個星期左右已經賺左premium 50%，再揸多兩個月都係賺埋另外個一半，咁其實平倉take profit先都係唔錯嘅選擇。short put 收嘅期權金唔多，所以即使平倉其實都係take$1000profit。

所謂嘅平倉其實就係做番相反動作喺同一條款內，我本身喺short 左4手匯豐6月$70put option, 咁long 番4手匯豐6月$70put option就係平倉，如果你嘅條款有唔同的話就叫做緊spread ,做spread可以大家熟左期權玩法後再慢慢玩都唔遲，同埋做spread多數玩指數期權會容易少少，因為指數期權比較多成交。

期權實倉記錄 4/4 + 入門教學

免責聲明：
所有分享純屬個人心得，所提供的投資策略未必適合所有投資者, 也非作為或被視為買入或出售該金融產品的邀請或意向。
證券價格可升可跌，甚至變成毫無價值。買賣證券未必一定能賺取利潤，反而可能會招致損失。投資者及客戶應審慎，並在作出其投資決定時僅應視為眾多考慮因素之一。

開個期權實倉記錄
大家有興趣可以看看

新手教學： 匯豐6月$70認沽期權係乜嘢？

其實就係一個權利俾買方喺某個限期前都可以用$70賣匯豐（股票編號：5 現價$73.3）（呢個期權係6月，每個月到期日大家可上港交所網頁睇番）。暫時香港股票期權全部都係美式，美式期權即係到期前任何日子都可以行使。另外就係香港股票期權係實物settle,即係對賣家黎講要買入匯豐正股。所以如果價內的認沽期權賣家要有準備隨時要接貨。匯豐的個股期權合約值係400同匯豐正股一手數目係一樣，所以沽出4張個股期權代表有可能要接4手匯豐正股。

點解買呢個期權？（long put)

如果本身你已經買左匯豐，驚會大跌，可以買入認沽期權黎對沖。即使佢跌到$60你都仲可以$70賣俾人，即係set左止蝕位喺$70

或者你無貨喺手，純粹覺得匯豐會跌，當匯豐大跌期權價格就可能會倍升。可以刀仔鋸大樹

點解要賣呢個期權？ （short put)

想以$70-$1.24=$68.76 黎接貨買匯豐，覺得匯豐未必大跌。

期權交易實用網址、app

http://www.hkex.com.hk/

港交所網頁：齊晒指數、個股期權，引申波幅等等

http://www.dbpower.com.hk/

財經智珠網：呢個網指數期權介面幾好，資料好詳細。期權金%，每日時間值，未平倉合約都有齊，比港交所網容易睇少少。

http://www.theoptionsguide.com/option-trading-strategies.aspx

方便你制定不同期權策略，你可以睇好睇淡或者睇個市沒有上落，選擇完每個strategy 都有詳細介釋

https://www.optionsplaybook.com/option-strategies/

都係介紹期權策略，list左好多簡單常用策略，新手必看

http://www.hkoptionclass.com.hk/stockoptionslinks.html

香港少有的期權網頁，而且有每日短評，值得一睇。

App 

港交所app睇期權報價

SPtrader落盤

bloomberg睇新聞

aastock睇個股報價，set portfolio 睇實你想玩期權的個股

期權、窩輪、牛熊證、期貨有咩分別？點解要介紹期權期貨？

期權 、期貨、認股證（窩輪）及牛熊證，香港散戶最能夠接觸的衍生工具都係呢四款，咁點解要推薦大家多研究期權期指而少玩窩輪同牛熊證呢？

首先大家可上
http://www.thechinfamily.hk/web/tc/financial-products/investment/index.html
此網頁有期權、期貨及認股證的基本介紹，大家看完有不明白地方可在此blog留言發問。

牛熊證的介紹在認股證中比較難找到，也把連結放在這邊
http://www.thechinfamily.hk/web/tc/financial-products/investment/warrants/basics/a-tricky-derivative-for-the-markets-ups-and-downs.html


認股證中的call 輪就是期權中的long call(看好），put輪就是期權中的long put（看淡）。但是最大的分別就是窩輪的莊家就是發行商一個，你要賣這隻窩輪一係市場上有其他人想買，如果沒有就只有發行商會接貨。

我用今日騰訊的call輪做例子，今日騰訊價錢是$409.6 （-$2.6 0.631%）在aastock有認股證搜尋功能，set了三個月內到期，行使價405 - 415的認購證和認沽證。另外還有4月到期的騰訊$410認購和認沽期權

大家可看到差不多terms的窩輪引申波幅都比期權高，簡單來說就是比較貴。另外就是流通量問題，call輪一個月內到期的全部都不足一百萬成交，市場無其他人接貨就只有輪商會接，開出價錢當然就不會太好。如果你的輪是遠程價外，開價更加慘不忍睹。

牛熊證雖然沒有時間值，但一觸及收回價就差不多全軍覆沒（有一些牛熊證會有少量剩餘價值）。如果你看錯方向或看早幾日買了牛熊就無仇報了。

打個簡單比喻，買窩輪就像玩1賠0.5的大細，而買牛熊就像買3鋪之後的大細，你買大，但如果前兩鋪開了細你也無錢收。期權就像1賠1的大細，雖然也有手續費等等，但相對另外兩款衍生工具也比較公平。

期權戶口：開戶篇

期權玩法比窩輪及牛熊證更多變（可買可賣），開價亦比較公平（不只一個莊家）。不過銀行證券戶口多數不能買賣個股及指數期權（或者佣金收費非常昂貴），而且常常聽到其他人講要斬倉、補倉，好似會輸身家，令到不少投資者都卻步。我希望透過此blog介紹一下各款期權玩法，令到大家明白點解會有人一夜致富或一Q清袋。

首先大家要買賣期權都要去證券行開戶，要開戶口非常簡單，請準備3個月內地址證明（銀行月結單都可以）及身分證就可以了。有些證券行可walkin,最好打去問清楚。

暫時比較多人用來trade 期權的證券行有一通，耀才和致富。簡單介紹下各間行特點，
一通
好處 ：平  一張期權收費$5 平絕全港，想慳手續費不二之選
缺點：server不穩定，每逢大跌市一通老母多數都會很忙.....

耀才
好處：上市公司比較穩陣，server穩定 價錢合理min charge$30
缺點：指數期權和個股期權分開兩個戶口，資金調動比較麻煩

致富
好處：server 穩定，customers service好（不過落盤多數都係用sp trader，唔需要對人)
壞處：佣金算是比較貴 min charge$50

另外還有其他證券行都有期權交易服務，大家可以自行找多幾間不同公司比較一下，個人意見最好在起碼兩間證券行開戶，始終如果server有問題有後備戶口去平倉開倉也會安心得多。


免責聲明：
所有分享純屬個人心得，所提供的投資策略未必適合所有投資者, 也非作為或被視為買入或出售該金融產品的邀請或意向。
證券價格可升可跌，甚至變成毫無價值。買賣證券未必一定能賺取利潤，反而可能會招致損失。投資者及客戶應審慎，並在作出其投資決定時僅應視為眾多考慮因素之一。